शुक्रवारी कच्च्या तेलाच्या किमतीत वाढ नोंदवण्यात आली असली तरी देशाच्या अनेक भागांमध्ये पेट्रोल आणि डिझेलच्या (Petrol Diesel) दरात घट दिसून येत आहे. जाणून घेऊया या शहरांतील पेट्रोल डिझेलच्या किंमतींबद्दल – देशात दररोज पेट्रोल-डिझेलचे दर सकाळी ६ वाजता जाहीर होतात. हे दर आंतरराष्ट्रीय बाजारातील कच्च्या तेलाच्या किमतीच्या आधारे ठरवले जातात. शुक्रवारी कच्च्या तेलाच्या दरात वाढ नोंदवण्यात आली आहे.
आज, डब्ल्यूटीआय क्रूड ऑइलने ०.३४ टक्क्यांनी वाढ नोंदवली आणि प्रति बॅरल ७५.६५ डाॅलर्सच्या आसपास व्यापार करत आहे. त्याच वेळी, ब्रेंट क्रूड ऑइलने देखील आज २ टक्क्यांनी वाढ नोंदवली आहे आणि प्रति बॅरल ८२,२१ डाॅलर्सच्या आसपास व्यवहार करत आहे. कच्च्या तेलाच्या किमतीत वाढ झाल्यानंतर देशातील अनेक शहरांमध्ये पेट्रोलच्या दरात चढ-उतार पाहायला मिळत आहेत.
हे वाचा : श्वानाला वाचवण्यासाठी तरुणाने घेतली रेल्वे ट्रॅकवर उडी; अचानक ट्रेन आली अन्…पाहा VIDEO
दररोज सकाळी ६ वाजता देशातील तेल विपणन कंपन्या पेट्रोल आणि डिझेलच्या (Petrol Diesel) किमती अपडेट करतात. पेट्रोल आणि डिझेलच्या दरात काही बदल झाला तर तो अपडेट केला जातो. २२ मे पासून पेट्रोल आणि डिझेलच्या दरात कोणताही बदल झालेला नाही. येथे तुम्ही मुंबई, दिल्ली, कोलकाता आणि चेन्नईसह विविध शहरांच्या किमती जाणून घेऊ शकता.
देशातील प्रमुख महानगरांतील पेट्रोल डिझेलच्या किंमती
देशातील चार प्रमुख महानगरांतील पेट्रोल डिझेलच्या दरातही फारसा बदल झालेला नाही. दिल्लीत पेट्रोल ९६.७२ रुपये आणि डिझेल ८९.६२ रुपये प्रति लिटर आहे. कोलकातामध्ये पेट्रोल १०६.०३ रुपये आणि डिझेल ९२.७६ रुपये प्रति लिटर आहे. मुंबईत पेट्रोल १०६.३१ रुपये आणि डिझेल ९२.२७ रुपये प्रति लिटर आहे. चेन्नईमध्ये पेट्रोल १०२.७३ रुपये आणि डिझेल ९४.३३ रुपये प्रति लिटर आहे.
या शहरांत बदलले पेट्रोल डिझेलचे दर
आज, नोएडामध्ये पेट्रोल ४१ पैशांनी आणि डिझेल ३८ पैशांनी महाग झाले आहे आणि ९७ रुपये आणि ९०.१४ रुपये प्रति लीटरने विकले जात आहे. दुसरीकडे, गुरुग्राममध्ये आज पेट्रोल १० पैसे आणि डिझेल १० पैसे स्वस्त दराने ९६.७१ रुपये आणि ८९.५९ रुपये प्रति लिटरने विकले जात आहे.
राजस्थानची राजधानी जयपूरमध्ये पेट्रोल १३ पैसे आणि डिझेल १२ पैसे स्वस्त दराने १०८.५७ रुपये आणि ९३.८० रुपये प्रति लिटरने विकले जात आहे. पटनामध्ये आज पेट्रोल ३५ पैसे आणि डिझेल ३२ पैसे स्वस्त दराने १०७.२४ रुपये आणि ९४.०४ रुपये प्रति लिटरने विकले जात आहे. अशा परिस्थितीत आज अनेक मोठ्या शहरांमध्ये पेट्रोल आणि डिझेलच्या दरात कपात होताना दिसत आहे.
एसएमएसवर जाणून घ्या दर
पेट्रोल आणि डिझेलची (Petrol Diesel) किंमत एसएमएसद्वारेही कळू शकते. इंडियन ऑइलच्या वेबसाइटवर जाऊन तुम्हाला RSP आणि तुमचा शहर कोड लिहावा लागेल आणि तो 9224992249 या क्रमांकावर पाठवावा लागेल. प्रत्येक शहराचा कोड वेगळा आहे, जो तुम्हाला IOCL च्या वेबसाइटवरून मिळेल.
