फिफा वर्ल्ड कप २०२२ चा चॅम्पियन (Champion) संघ अर्जेंटिनाचा कर्णधार लिओनेल मेस्सी सध्या एका खास कारणामुळे चर्चेत आला आहे. मेस्सीने जे काम केले आहे, ते खरं पाहता तोच शकतो. लिओनेल मेस्सीने त्याच्या संघातील सहकाऱ्यांसह सपोर्ट स्टाफला गोल्ड प्लेटेड कस्टमाइज्ड आयफोन भेट देण्याचा निर्णय घेतला आहे. सर्व iPhones वर संघातील खेळाडूंची नावे आणि जर्सी क्रमांक असतील. लिओनेल मेस्सीला विश्वविजेतेपदाचा मुकुट मिळाल्याने खूप आनंद झाला आहे आणि त्याने या प्रसंगी आपल्या सहकाऱ्यांना सोन्याचे आयफोन भेट देण्याचा निर्णय घेतला आहे.
जवळजवळ १० वर्षांच्या प्रतीक्षेनंतर लिओनेल मेस्सीने अर्जेंटिनाला विश्वचषक जिंकून देण्यात यश मिळवले. मेस्सीने विश्वचषकापूर्वी निवृत्ती जाहीर केली होती पण चॅम्पियन बनल्यानंतर त्याने आपला निर्णय बदलला. अशा परिस्थितीत आता मेस्सी आपल्या सहकाऱ्यांसोबत विश्वचषक जिंकण्याचा आनंद साजरा करणार आहे.
मेस्सी (Champion) जे सोन्याचे आयफोन भेट देणार आहे, त्यांची किंमत प्रत्येकी १७५,००० युरो इतकी आहे. म्हणजेच भारतीय चलनानुसार त्याची किंमत सुमारे १.७३ कोटी रुपये आहे. मेस्सीला विश्वचषक विजेत्या संघातील सदस्यांसाठी काहीतरी खास करायचे होते, असे सांगितले जात आहे. त्यामुळे घड्याळपेक्षा साध्या भेटवस्तूऐवजी काहीतरी वेगळं मेस्सीला करायचं होतं. यासाठी त्याने उद्योजक बेन लियॉन यांच्याशी संपर्क साधला आणि त्यांनीच गोल्ड प्लेटेड कस्टमाइज्ड आयफोन देण्याची कल्पना सुचवली.
बिझनेसमन बेन लियॉन म्हणाले- मेस्सी मला वर्ल्ड कपनंतर भेटला होता. त्याला हा अविस्मरणीय विजय खास बनवायचा होता आणि त्याला त्याच्या सहकारी खेळाडूंना तसेच सपोर्ट स्टाफच्या सदस्यांना विशेष भेटवस्तू द्यायची होती. मेस्सीला एखादे साधे गिफ्ट किंवा घड्याळेसारखे काहीतरी नको होते, म्हणून मी त्याला त्याच्या नावाचा गोल्ड आयफोन भेट म्हणून सुचवला. मेस्सीला ही कल्पना खूप आवडल्याचेही त्यांनी पुढे सांगितले.
फिफा विश्वचषक २०२२ च्या अंतिम फेरीत अर्जेंटिनाचा सामना फ्रान्सशी झाला. हा सामना दोन्ही संघांमध्ये चांगलाच रंगला आणि निर्धारित वेळेत स्कोअर ३-३ असा बरोबरीत होता. यानंतर पेनल्टी शूटआऊटमध्ये अर्जेंटिनाने फ्रान्सचा ४-२ असा पराभव केला. यासह, २० वर्षांनंतर, मेस्सीच्या नेतृत्वाखाली युरोप बाहेरील संघ फिफा वर्ल्ड चॅम्पियन (Champion) बनला.
