earphones : इयरफोनच्या वायरचा का होतो गुंता? 99 टक्के लोकांना माहिती नसेल कारण

स्मार्टफोन (Smartphone) युझर्सची संख्या दिवसेंदिवस वाढत आहे. स्मार्टफोन्ससोबत हेडफोन्स, (earphones) वायरलेस हेडफोन्स किंवा इअरबड्स वापरण्याचं प्रमाणही वाढलं आहे.या गोष्टींचा वापर खासकरून ड्रायव्हिंग करतेवेळी फायदेशीर ठरतो. आपल्यापैकी बहुतांश जण इयरफोन्सचा रोज वापर करतात.

संगीताचा आनंद घेण्यासाठी किंवा कॉलवर बोलण्यासाठी इयरफोन्सचा वापर होतो. सध्या बाजारात विविध कंपन्याचे खास फीचर्स असलेले इयरफोन्स उपलब्ध आहेत.इयरफोन्स वापरणं सोपं असलं तरी त्याच्या वायरचा होणारा गुंता अनेकांसाठी डोकेदुखी ठरते.

इयरफोन्स (earphones) वापरून झाल्यावर बॅगमध्ये किंवा खिशात ठेवतो तेव्हा त्याच्या वायर्सचा गुंता होतो. त्यानंतर हा गुंता  सोडवताना आपण मेटाकुटीला येतो. इयरफोन्स नीट न ठेवल्यामुळे अशी समस्या निर्माण होते, असं वाटत असेल तर ते चुकीचं आहे. इयरफोन्सच्या वायरचा गुंता होण्यामागे एक शास्त्रीय कारण आहे.

त्याला `नॉट थिअरी` असं म्हणतात. ही थिअरी गाठीचा सिद्धांत म्हणूनही ओळखली जाते. संशोधकांनी एक मजेदार प्रयोग करून हा गुंता कमी वेळात आणि सहजपणे कसा सोडवता येतो, हे दाखवून दिलं आहे.स्मार्टफोनसोबत आपण बऱ्याचदा इयरफोन्सचा वापर करतो.

वापर संपल्यावर आपण इयरफोन्स ठेवून देतो. पुन्हा जेव्हा इयरफोन्सचा वापर करायची वेळ येते, तेव्हा त्याच्या वायर्सचा गुंता झालेला असतो. हा गुंता काढणं तसं खूप वेळखाऊ असतं.या समस्येमागे शास्त्रीय कारण आहे. कॅलिफोर्निया विद्यापीठाच्या दोन संशोधकांनी इयरफोन्सच्या (earphones) वायर्सच्या होणाऱ्या गुंत्यावर संशोधन केलं. यासाठी 2012मध्ये या दोघांनी नॉट थिअरीचा अभ्यास केला. या अभ्यासावेळी त्यांनी एक मजेदार प्रयोग केला.