विराट कोहली सध्या भन्नाट फॉर्मात आला आहे. कारण गेल्या सलग दोन सामन्यांमध्ये (Cricket) त्याने अर्धशतक झळकावले आहे. पण पाकिस्तानविरुद्धच्या अर्धशतकानंतर विराट कोहलीने आता एक मोठा खुलासा केला आहे. आपल्या वाईट काळात फक्त एकाच खेळाडूने माझी साथ दिली, असे म्हणत भर पत्रकार परिषदेमध्ये सर्वांनाच कोहलीने धक्का दिला.
विराट यावेळी म्हणाला की, ” मला अजूनही आठवतं, जेव्हा मी भारताच्या कसोटी संघाचे कर्णधारपद सोडले होते. तेव्हा माझ्याबरोबर खेळलेल्या फक्त एकाच व्यक्तीने मला मेसेज केला होता. यावरून समजतं की, तुमच्याबरोबर कोणती व्यक्ती पारदर्शक आहे.
माझ्याबरोबर खेळलेल्या बऱ्याच जणांकडे माझा मोबाईल नंबर आहे, पण त्यांच्यापैकी कोणीही मला फोन किंवा मेसेज केला नाही, अपवाद फक्त एकाच व्यक्तीचा आणि तो म्हणजे महेंद्रसिंग धोनी. बरीच लोकं टीव्हीवर किंवा अन्य ठिकाणी सल्ले देत असतात, पण बऱ्याच जणांकडे माझा नंबर आहे, पण कोणीही मला मेसेज नाही आला.
जर तुमचं एखाद्या व्यक्तीबरोबर प्रामाणिक नातं असतं, ते कसं असतं याचं हे एक उत्तम उदाहरण आहे. मला त्याच्याकडून काही हवं आहे किंवा त्याला माझ्याकडून काही हवं आहे. आमच्या दोघांमध्ये असुरक्षिततेची कोणतीच गोष्ट नाही. पण खरी नाती ही अशी असतात.
“विराट कोहलीने पाकिस्तानविरुद्धच्या सुपर-४मधील सामन्यात (Cricket) धडाकेबाज अर्धशतक साकारले. विराटचे हे या स्पर्धेतील सलग दुसरे अर्धशतक ठरले. विराट कोहलीने यावेळी ४४ चेंडूंत ६० धावांची धमाकेदार खेळी साकारली. विराटच्या अर्धशतकाच्या जोरावर भारताने यावेळी पाकिस्तानपुढे १८२ धावांचे आव्हान ठेवले.
जवळपास तीन वर्षांनंतर कोहली हा चांगल्या फॉर्मात आल्याचे पाहायला मिळाले. यावेळी कोहली हे सर्व बोलत असताना भावूक झाल्याचे पाहायला मिळाले होते. कोहलीच्या बोलण्यात एक हळवेपणा जाणवत होता. संपूर्ण दुनिया एका बाजूला आणि महेंद्रसिंग धोनी एका बाजूला, असा सांगण्याचा कोहलीचा यावेळी उद्देश होता. कारण पडत्या काळात धोनीने त्याची विचारपूस केल्याचे कोहलीने यावेळी सांगितले.
The bond between MS Dhoni & Virat Kohli is pure gold. pic.twitter.com/g6pbSRkwp0
— Johns. (@CricCrazyJohns) September 4, 2022
